په بدخشان ولایت کې د طالبانو سیمهییز چارواکي په یوه ترافیکي پېښه کې د اتو کسانو د مړینې او د یوه بل د ټپي کېدو خبر ورکوي.
باختر خبري آژانس چې طالبان یې اداره کوي د بدخشان د اطلاعاتو او فرهنګ د رییس حکمت الله محمدي له قوله خبر ورکوي چې دا پېښه پرون د وري په ۳مه نېټه په شغنان ولسوالۍ کې هغه مهال وشوه چې یو موټر له سړک څخه واوښت او چپه شو. د هغه په وینا دا موټر له شغنان څخه مرکز فیض آباد ته روان و.
د لارو خرابي او د چلوونکو بې احتیاطي په افغانستان کې د ترافیکي پېښو مهم عوامل بلل کېږي.
تېره اوونۍ په هلمند ولایت کې د طالبانو سیه ییزو چارواکو د ګرشک ولسوالۍ په یخچال سیمه په یوه ورته ترافیکي پېښه کې د لږترلږه ۲۱ کسانو د مړینې او د ۳۸ نورو د ټپي کېدو خبر ورکړ.