د افغانستان د فوټبال ملي لوبډلې د پنجشنبې په شپه ناوخته له هندوستان سره سیالي ترسره کړه چې په مساوي توګه پای ته ورسېده.
یاده سیالي چې د افغانستان په کوربهتوب په سعودي عربستان کې ترسره شوه، دواړه لوبډلې ونه توانېدې چې ګول ووهي.
دا سیالي د اسیا ملتونو جام لپاره د لارموندنې د درېيم پړاو په موخه ترسره شوه.
افغانستان او هندوستان به یوه بله سیالي هم د روانې مارچ میاشتې په ۲۶مه نېټه د هندوستان په کوربهتوب د یاد هېواد په اندراګاندي لوبغالي کې ترسره کړي.
افغانستان په دې سیالۍ کې یوازې یوه نمره ترلاسه کړه او په دې سره لا هم په خپل ګروپ کې په څلورم مقام کې قرار لري.
باید وویل شي چې د اسیا ملتونو جام د لارموندنې په سیاليو کې افغانستان له قطر او کوېټ هېوادونو سره هم سیالۍ ترسره کړې وې چې ۸ د یو پر وړاندې یې قطر او ۴ د صفر پر وړاندې یې کوېټ ته بایللې وې.