د روسيې پوځ پرون د اوکراین پر سرحدي سیمه سومي توغندويي حملې وکړې او په یوه ورځ کې یې په لږترلږه دېرشو پېښو کې د استوګنې سیمې په نښه کړې.
د سیمې د پوځي څارنوالۍ ادارې ویلي دي چې پر ویلکایا پسي یاریفکا ښار د حملو پرمهال لږترلږه یو تن وژل شوی دی.
له دې ښاره له ۲۵۰ زیات کسان تېره اونۍ وایستل شول. پر یوبل ښار هم د هاوان ډزې شوي.
روسیه پر اوکراین د حملو پرمهال له هغو سیسټمونو کار اخلي چې په یوځل څو راکټونه توغوي.
ولسمشر ولودیمیر زیلینسکي بېګا په یوه وینا کې وویل، پر سومي تقریبا هره ورځ د روسیې له خوا منظمې توغندويي حملې کېږي. هغه دا تروریستي حملې وبللې.