د منځني ختیځ د څلورو هېوادونو ډیپلوماتانو د فلسطیني ډول د رسمیت پېژندنې پر لوري د 'نه بدلېدونکو' اقداماتو غوښتنه بیا تکرار کړه.
د سعودي عربستان دولتي رسنۍ نن راپور ورکړی، دا غوښتنه پرون په هغه غونډه کې تکرار شوه چې د سعودي عربستان په کوربه توب د غزې پر جګړه د بحث لپاره رابلل شوې وه او تنظیموونکي یې د امریکا د متحدونه ایالتونه او اروپايي ټولنه وه چې د مصر، قطر، متحده عرب اماراتو او اردن د بهرنیو چارو وزیرانو دغه راز د فلسطین یوه لوړ رتبه چارواکي په کې ګډون کړی و.
له کله چې د اسراییل او حماس ډلې ترمنځ جګړه پیل شوې، دا سیمې ته د امریکا د بهرنیو چارو وزیر انټوني بلېنکن پنځم سفر و.
د امریکا متحد ایالتونه او اروپايي ټولنه حماس ډله یو تروریستي سازمان ګڼي.
د سعودي عربستان 'ایس پي اې' SPA خبري اژانس راپور ورکړی چې په دې کتنه کې د بهرنیو چارو وزیرانو په غزې تړانګه کې د جګړې د ختمېدو پر اړتیا ټینګار وکړ دغه راز یې د فوري او بشپړ اوربند غوښتنه هم وکړه.
اژانس وايي په دې کتنه کې د دوو دولتونو د تشکیل د حل لپاره د ثابتو اقداماتو پر اهمیت هم ټینګار وشو.