د سالنګونو لپاره د طالبانو د حکومت د ساتنې او څارنې مسوول د واورې او توپان له کبله موټر چلونکو ته پر دغې لارې د نه تګ سپارښتنه کړې ده.
د افغانستان یو شمېر محلي رسنیو له هغې ډلې پژواک خبري اژانس د عبدالحلیم اغا په حواله ویلي چې له پرون ماښام راهیسې دغه لاره د موټرو تګ راتګ ته مناسبه نه ده.
دغو رسنیو هغه ویډیو هم خپره کړې چې سالنګ کې د واورې او توپان پر مهال د طالبانو دغه چارواکی په کې خبرې کوي.
معلومه نه ده چې دغه لاره به څه وخت پرانیستل شي.
د کابل او شمالي او شمال ختیځو ولایتونو دغه لاره تل د ژمي پر مهال د وارې ورېدو او واورې ښوېدو له کبله د موټرو پر مخ بندېږي.