د ملګرو ملتونو د کرنې او خوراکي موادو اداره په افغانستان کې د اوبو د زېرمو د جوړېدو خبر ورکوي.
دې ادارې پرون په خپلې ایکسپاڼه یا پخواني ټویټر کې وویل چې دا زېرمې به د بېلابېلو شرکتونو او عامو خلکو په مرسته جوړې شي چې یو لور ته د سېلابونو د بهېدو مخه ونیسي، بل لور ته به د بارانونو له ورېدو سره په دې زېرمو کې د کرنې لپاره اوبه خوندي شي.
د اوبو د زېرمو د جوړېدو دا خبر په داسې وخت کې خپور شوی چې د ملګرو ملتو د مرستو د همغږۍ دفتر یا اوچا تېره اوونۍ، سې شنبې وویل چې سږ کال په افغانستان کې ورښتونه ډېر کم دي چې د بدې وچکالۍ اټکل کېږي.