د هند صدراعظم نریندرا مودي د هند په شمالي ایودیا ښارګوټي کې پرون یو لوی مندر پرانیست.
دا مندر د راپورونو له مخې، د هغه جومات پر ځای جوړ شوی چې شاوخوا دېرش کاله مخکې د هندوانو له خوا وران شوی وو.
د هغې پېښې له امله په هند کې مذهبي شخړې پیل شوې وې چې لږ تر لږه ۲۰۰۰ کسان پکې ووژل شول.
د دوشنبې په ورځ د هند صدراعظم نریندرا مودي د رام د دغه لوی مندر د پرانیستلو پر مهال وویل چې (رام د پېړیو قربانیو په نتیجه کې راغلی) .
د دغه مندر د پرانیستې مراسمو ته اوه زره کسان او مذهبي مشران ورغلي وو.