د افغانستان د خبریالانو مرکز وايي، د جاپان د کیودو خبري اژانس خبریال احسان اکبري نیول شوی دی.
دغه مرکز نن (یکشنبې) په یوه خبرپاڼه کې د اکبري د ژر تر ژره او بې قید وشرطه خوشې کېدو غوښتنه وکړه.
په خبرپاڼه کې د طالبانو له استخباراتو غوښتل شوي چې د هېواد د رسنیو قانون ته درناوی وکړي او د خبریالانو او رسنیو له ځپلو لاس واخلي.
د خبریالانو د مرکز په خبرپاڼه کې ویل شوي چې دوی په ۲۰۲۳ م کال کې په افغانستان کې د خبریالانو د حقونو د سرغړونو ۱۶۷ مورده ثبت کړي دي.