د فلمونو نامتو ډایرکټر جیمز آیووري غواړي چې په ۹۵ کلنۍ کې افغانستان ته په ۱۹۶۰ کال کې د خپل سفر په اړه یو مستند فلم جوړ کړي.
آیووري به په خپل دې فلم کې له څو لسیزو جګړو او افراطیت مخکې سوله ایز افغانستان نندارې ته وړاندې کړي.
د آیووري پخوانی همکار ګیلز ګاردنر چې د فلمونو په راټولولو کې له هغه سره مرسته کوي وايي چې دا فلم له لومړیو شېبو څخه زړه راکښونکی، ډېر شاعرانه او موموز دی.
ګارډنر وايي، د تازه معلوماتو او هغه تشدد له وجې چې په خبرونو کې لیدل کېږي، د افغانستان په اړه د “ښکلي ټاټوبي” تصور له منځه تللی دی.
جیمز آیووري په ۲۰۱۷ کال کې چې ۸۹ کلن و، د اسکار جایزه وګټله.
ده ته دا جایزه د هغه فلم د سناریو په خاطر ورکړل شوه چې نوم یې دی ’’ما ته په خپل نوم غږ وکړه’’.