د کرکټ نړیوال شورا په کوربتوب تر ۱۹ کلونو د کم عمره ځوانانو نړیوال جام نن په امریکا کې پيل شو.
د دې ټورنمنټ د پیل لوبه د کوربه امریکا او ایرلینډ لوبډلو ترمنځ روانه ده.
دغه راز د ورځې دویمه سیالي د ویسټ اینډیز او سویلي افریقا ترمنځ پیل شوې ده.
د ۱۹ کلونو ځوانانو په نړیوال جام کې چې د امریکا او ویسټ اینډیز په کوربتوب ترسره کېږي، ټولټال ۲۰ لوبډلې ګډون لري چې په ۴ ګروپونو کې سره سیالۍ کوي.
افغانستان په خپل ګروپ کې له پاکستان، نیوزیلینډ او نيپال سره سیالۍ کوي.
افغان لوبډله به دوهمه سیالي د جنورۍ په ۲۳مه له نیوزیلینډ او وروستۍ د همدې میاشتې په ۲۶مه نېټه له نیپال سره ترسره کړي.
د ویلو ده چې د افغانستان ټولې سیالۍ په ویسټ اینډیز کې ترسره کېږي.