د پاکستان حکومت په بلوچستان کې د ایران برید په کلکه غندلی دی.
ایراني دولتي رسنیو سه شنبه ناوخته ادعا کړې وه چې ایران د پاکستان د بلوچستان په زرغون غره سیمه کې د جیش العدل ډلې دوه مرکزونه په توغندیو او ډرون الوتکو هدف ګرځولي او له منځه وړي.
سه شنبې د شپې ناوخته د پاکستان د بهرنیو چارو وزارت بیا د یوې اعلامیې په خپرولو دا بریدونه په کلکه وغندل.
په اعلامیه کې راغلي چې پاکستان د ایران لخوا د خپل فضایي حدود بې دلیله نقض چې په پایله کې یې دوه ماشومان مړه او درې نجونې ټپیانې شوي په کلکه غندي.
پاکستان خبرداری ورکړی چې د پاکستان د حاکمیت دا سرغړونه په بشپړه توګه د منلو وړ نه ده او جدي پایلې لرلی شي.