تمه ده چې د اوکراین ولسمشر به نن د سویس په داووس ښار کې په نړیواله اقتصادي غونډه کې د خپل هېواد لپاره د لویدیځ د دوامدار ملاتړ غوښتنه وکړي.
ولودیمیر زیلینسکي به په داووس کې د یو شمېر هېوادونو له رهبرانو، د اروپايي ټولنې له استازو او همداراز د لویو شرکتونو له مشرانو سره په کتنو کې د اوکراین د دفاعي او اقتصادي ثبات د پیاوړتیا پر اړوندو مسایلو خبرې وکړي.
زیلینسکي چې تېرکال یې د داووس غونډې ته د ویډیو کنفرانس له لارې خبرې کړې وې، پتېیلي ده چې په سږنۍ غونډه کې حضوري ګډون وکړي.
د اوکراین ولسمشر په وروستیو کې څو نور بهرني سفرونه هم وکړل څو د خپل هېواد لپاره د نړیوالو ملاتړ جلب کړي.