یوې زلزلې، نن غرمه بدخشان ولایت ولړزاوه.
د جرمني د زلزله پېژندنې ادارې پر اساس، د دې زلزلې، چې د افغانستان د غرمې په یوولس بجې او ۵۶ دقیقې وشوه، شدت د ریښتر په حساب ۶ اعشاریه ۴ درجې و.
خو رویټرز خبري اژانس د اروپا د مدیترانې د زلزله پېژندنې د مرکز پر اساس، د دې زلزلې شدت د ریښتر په کچه ۶ اعشاریه ۲ ښوولی دی.
هندي رسنۍ وايي چې د دې زلزلې ټکنانونه د دغه هیواد په شمالي سیمو کې احساس شوي دي.
دې ادارې د دې زلزلې مرکز د بدخشان ولایت له مرکز فیض اباد څخه ۶۷ کیلومتره لېرې تر مځکې ۲۰۸ کیلومتره لاندې ښوولی دی.
وړمه ورځ هم په بدخشان کې زلزله احساس شوې وه چې شدت یې نننۍ ته ورته بلل شوی و.