د اوکراین پر پلازمېنې کییف او د هغې پر لمنو، همداراز پر خارکییف ښار د روسیې د بې پيلوټه الوتکو او توغندیو د بریدونو له امله پرون لږ تر لږه پنځه تنه ووژل شول او په لسګونو نور ټپیان شول.
دا حملې یوه ورځ وروسته تر دې وشوې چې روسیې د نوي میلادي کال په لومړیو ساعتونو کې پر اوکراین د نوي دانو بې پيلوټه الوتکو په مټ بمبارۍ وکړې.
تر دې مخکې د روسیې ولسمشر ولادیمیر پوتین ویلي وو چې پر اوکراین به بریدونه زیات کړي.
پوتین د جنوري په لومړۍ نېټه دا خبرداری وروسته تر دې ورکړ چې اوکرایني ځواکونو د روسیې بلګرود سرحدي ښار بمباري کړ چې پهکې تر دوه ویشتو ډېر کسان ووژل شول و تر سلو ډېر ټپيان شول.