د بدخشان مرکز فیضاباد تېره شپه دوو پرلهپسې زلزلو ولړزاوه.
د 'این سي ایس' په نوم د زلزلې د اټکلېدو د مرکز په وینا، یوه زلزله د شپې د دولس نیمو بجو خواته وشوه چې د ریښتر څلور اعشاریه څلور درجې ثبت شوې او بله یې نیم ساعت وروسته څلور اعشاریه اته درجې وه.
تراوسه د دې زلزلو له امله د سر او مال د اوښتو زیانونو راپورونه نه دي ورکړل شوې.
په افغانستان کې تېر میلادي کال پرلهپسې مرګونو زلزلو په هرات کې د سر او مال درانه زیانونه واړول.
د هرات د زلزلو زیانمن خلک اوس هم په خورا بدو شرایطو کې شپې او ورځې تېروي.