امریکا خپله لویه الوتکې وړونکې جنګي بېړۍ 'یو ایس ایس جیرالډ فورډ' له ختیځې مدیترانې بېرته امریکا کې د دې بېړۍ اصلي اډې ته ستنوي.
دا بېړۍ امریکا هغه وخت ختیځې مدیترانې ته واستوله چې حماس ډلې د اکټوبر په اوومه پر اسراییلو برید وکړ.
امریکا او اروپايي ټولنې د حماس ډله د یوه ترهګر سازمان په توګه پېژني.
امریکا دا بېړۍ د اسراییلو د خوندیتوب لپاره ختیځې مدیترانې کې ځای پر ځای کړې وه.
د دې جنګي بېړۍ تر څنګ کوچنۍ بېړۍ سرې بحیرې ته ولېږل شوې څو د یمن د حوثي یاغیانو له خوا د اسراییلو په لور ویشتل شوي توغندي او بالستیک میزایل په نښه او شنډ کړي.
تمه ده د امریکا د دې لویې جنګي بېړۍ ځای 'یو ایس ایس باتان' بېړۍ ونیسي چې په معمولي جټ الوتکو کولای شي اف ۳۵ الوتکې چې عمودي پرواز کوي هم ولېږدوي.