د ملګرو ملتونو د بشري مرستو د همغږۍ اداره یا اوچا وایي، ۲۰۲۳م میلادي کال کې یې له اړمنو افغانانو سره د ۵۳ میلیونه ډالرو مرسته کړې ده.
اوچا پرون یکشنبه پر خپله ایکسپاڼه یا پخواني ټویټر لیکلي چې دغه پیسې یې د ملګرو ملتونو د چټک مرکزي غبرګون له صندوقه ترلاسه کړي دي.
له دې او نورو بنسټونو له مرستې سره سره لا هم په افغانستان کې د لوږې کچه د اندېښنې وړ ده.
د اوچا په خبره دا مهال ۱۷ اعشاریه دوه میلیونه افغانان په داسې بې وزلۍ کې دي چې نه پوهېږي بل څاښت خواړه به یې له کومه کېږي.
د اوچا په خبره، په دغو بې وزله افغانانو کې درې اعشاریه اته میلیونه یې داسې دي چې په بېړني ډول د خوراکي موادو له نه خوندیتوب سره مخامخ دي.