د اوکراین خلک نن د ډسمبر ۲۵مه د مسکو په مخالفت د کرسمس جشن نمانځي.
اوکراینیانو به پخوا د ارتودوکس کلیسا د نورو پيروانو په څېر چې اکثر یې د پخواني شوروي جمهوریتونه دي د جنوري په ۷مه د کرسمس اختر نمانځه.
د اوکراین ولسمشر ولودومیر زیلنسکي تېر جولای یوه مسوده لاسلیک کړه چې له مخې یې د کرسمس رسمي رخصتي او جشن د جنورۍ له ۷مې د ډسمبر ۲۵مې ته راوستل شو.
په دې قانوني لایحې کې راغلي و چې د دې کار هدف د جنوري په ۷مه د کرسمس د نمانځلو په شمول د روسیې د ټولو میراثونو بدلول او پرېښودل دي.
د اوکرایین خلک نږدې دوه کاله د روسیې د غیر موجه یرغل لاندې دي او سږ کال کرسمس او نوی کال په داسې حال کې نمانځي چې لا هم جګړه روانه ده.
د اوکراین د سیمه ییزو چارواکو په خبره په خرسون ښار باندې د روسیې د بریدونو په نتیجه کې تېر یوه شپه او ورځ لږ تر لږه څلور کسان وژل شوي او نهه تنه نور ټپیان دي.