ټاکل شوې چې په افغانستان کې د ملګرو ملتونو ځانګړې استازې روزا اوتونبایووا سبا چارشنبې د لیندۍ ۲۹مه په نیویارک کې د ملګرو ملتونو په مقر کې د امنیت شورا غونډې ته د افغانستان د وضعیت په اړه معلومات ورکړي.
په افغانستان کې د ملګرو ملتونو مرستندوی ماموریت یا یوناما پر خپله ایکسپاڼه خبر ورکړی چې دا غونډه د کابل په وخت د ماښام په اوه نیمې بجې پیلېږي.
امنیت شورا په وروستیو څو اوونیو کې د افغانستان په اړه څو غونډې جوړې کړي.
دې شورا د لیندۍ په ۲۴مه هم د افغانستان په اړه خبرې وکړې.
په دې غونډه کې د ملګرو ملتونو سرمنشي انټونیو ګوټېرېش د افغانستان د امنیتي، اقتصادي، بشري او ټولنیز وضعیت په اړه معلومات وړاندې کړل.