ماسکو او کییف ادعا کړې چې د اوکراین په خاوره کې، په کریمیا ټاپوزمه کې چې روسیې له خپلې خاورې سره یوځای کړې ده، په کییف کې او د اوکراین په جنوبي او ختیځو برخو کې د یوه بل په لسګونو بې پیلوټه الوتکې نسکورې کړې دي.
د کییف ښاروال ویتالي کلیچکو پرون ناوخته د ښار استوګنو ته لارښوونه وکړه چې پناه ځایونو ته مخه کړي.
وروسته د پلازمېنې د پوځي ادارې مشر سیرهي پوپکو وویل چې څوک نه دې وژل شوي او په ښار کې هم ډیر کم زیان اوښتی دی.
د روسیې دفاع وزارت بیا پرون وویل چې د کریمیا ټاپوزمه په فضا کې یې شپږ ویشت اوکرایني ډرون الوتکې ویشتلې دي.
د اوکراین د لوی درستیز دفتر بیا وویل چې تېره شپه یې څه باندې دېرش بې پیلوټه الوتکې نسکورې کړې دي.