د کاناډا حکومت ۲۱ میلیونه کاناډايي ډالره د هغو افغانانو ملاتړ ته ځانګړي کړي چې د خوندیتوب لپاره د منځنۍ اسیا هېوادونو او پاکستان ته تللي دي.
د مهاجرت نړیوال سازمان یا آی او ایم پرون (جمعه) وویل چې د کاناډا د حکومت دا مرسته به چې دغه سازمان ته یې ورکړې، په قزاقستان، پاکستان، تاجکستان، ترکمنستان او ازبکستان کې د روغتیا په شمول د افغان کډوالو پر اړتیاوو ولګول شي.
کاناډا د لوېدیځ یو له هغو هېوادونو څخه دی چې په وروستیو دوو کلونو کې یې لسګونه زره افغانانو ته په خپله خاوره کې پناه ورکړې ده.