د طالبانو د حکومت د خوړو او دوا د ادارې د رییس عبدالباري عمر حضور د جرمني د کولن ښار په یوه جومات کې د جرمني د چارواکو غصه پارولې ده.
د جرمني 'ډي پي اې' اژانس په خپله ایکسپاڼه یا پخواني ټویټر کې د طالبانو د استازي حضور په کولن کې غندلی دی.
دا وزارت زیاتوي چې حکومت وار له مخه د طالبانو د دې چارواکي له سفره خبر نه و او ده ته جرمني ویزه نه ده ورکړې.
د جرمني د بهرنیو چارو وزارت څرګندوي چې پر دې موضوع به غور وکړي.
د پنجشنبې په ورځ چې کومه ویډیو په خواله رسنیو کې خپره شوه، په هغې کې عمر ښکاري چې د طالبانو د لاسته راوړنو په اړه په کولن کې د افغانانو یوې غونډې ته وینا کوي.