د پاکستان یو چارواکی وايي چې نن پر ډیورند کرښه ځینې نور مرکزونه هم پرانیستل شول چې له پاکستانه د لسګونو زرو افغان کډوالو د ایستلو بهیر ګړندی کړي.
په خیبر کې د کمېشنر مرستیال عبدالناصر خان رویټرز اژانس ته ویلي، پر تورخم دروازه چې ډېر کډوال ورڅخه افغانستان ته اوړي، د دغو مرکزونو شمېر درې برابره زیات شوی دی.
هغه زیاته کړې چې تر اوسه شاوخوا ۲۰زره کسان د تورخم له لارې افغانستان ته ستانه شوي دي.
د رویټرز د خبر له مخې د چمن له لارې بیا تر ۳۵زره ډېر بې اسناده افغانان، خپل هېواد ته ستانه شوي دي.
په همدې حال کې شکایتونه شته، چې د پاکستان پولیسو ځینې افغانان چې قانوني اسناد یې هم لرل، نیولي او اخراج کړي دي.