وروسته له دې چې د اسراییل دفاع وزارت په غزه کې د ځمکنیو عملیاتو د پراخېدو خبره وکړه، په غزه کې د اسراییلي ځواکونو هوايي بمبارۍ زور اخستی.
د هوايي بمبار له ډېرېدو سره د پراخې مرګژوبلې راپورونه هم ورکړل شوي دي.
بلخوا په غزه کې مخابراتي خدمات بند شوي او له محاصره شويو خلکو سره ټیلفوني اړیکې پرې شوي دي.
په همدې حال کې د سکاټلنډ لومړي وزیر حمزه یوسف په خپله ایکسپاڼه لیکلي، د غزې د مخابراتو د پرې کېدو له امله یې په غزه کې له خپلې محاصره شوې کورنۍ سره اړیکه قطع شوې ده.
په غزه کې د اسراییلي ځواکونو د عملیاتو د پراخېدو له اعلان سره سم، حماس هم ویلي چې د دوی وسلهوال چمتو دي چې په بشپړ ځواک د اسراییل له بریدونو سره مقابله وکړي.
حماس دا ادعا هم کړې چې وسلهوالو یې له اسراییلي عسکرو سره په څو ځایونو کې نښته کړې.
په ورته وخت کې د ملګرو ملتونو د عمومي اسمبلۍ غړو سمدستي د بشري مرستو رسولو لپاره په غزه کې اوربند ته رایه ورکړې چې ۱۲۰ هېوادونو تایید کړې، خو ۱۴ هېوادونو منفي رایه ورکړې ده.
د ملګرو ملتونو د بشري مرستو رسوونکو ادارو په ګډون، ډېرو هېوادونو هر څه ژر د مرستو رسولو غوښتنه کړې.