د فرانسې ولسمشر ژمنه وکړه چې هېواد به یې اسراییل له حماس ډلې سره په جګړه کې یوازې پرې نه ږدي، خو ایمانویل مکرون نن اسراییلو ته له رسېدو سره سم د سیمې کچې ته د دې کړکېچ د پراخېدو په اړه هم خبرداری ورکړ.
مکرون د اسراییل له ولسمشر اسحاق هېرزوک سره د لیدنې پرمهال وویل چې فرانسه له اسراییل سره اوږه په اوږه ولاړه ده.
د هغه په وینا چې لومړی هدف باید په غزه کې د نیولو شویو برمته وو خوشې کېدل وي.
له مکرون مخکې، د لوېدیځ نورو مشرانو هم اسراییلو ته د سفر پرمهال د حماس ډلې د برید په ځواب کې له دې هېواد سره خواخوږي څرګنده کړې ده.