د خوړو نړیوال پروګرام، ډبلیو ایف پي د هرات له زلزله ځپلو سل زره کسانو سره د خوړو د بېړنۍ مرستې لپاره د نولس ملیون ډالرو عاجلې مرستې غوښتنه کړې ده.
په هغه خبرپاڼه کې د خوړو نړیوال پروګرام نن چهارشنبې خپره کړې د افغانستان لپاره د دې پروګرام د مشر مرستیالې انا ماریه سلهونا Ana Maria Salhuana ویلي چې پروګرام یې د ژوندي پاتې شویو لاسنیوی کوي، خو دوی ته باید خواړه د افغانستان لپاره له هغه پروګرام څخه برابرکړي چې اوس د بودجې له سخت کمي سره مخ دی.
هغې زیاته کړې د همدې لپاره دوی د اضافي بسپنې غوښتنه کړې ده.
د نوموړې په خبره، د دغو زلزلو په څیرناورینونو هغه ټولنې نورې هم ځپلې چې له مخکې په مشکل د ځان لپاره ډوډۍ برابروي.
د خوړو نړیوال پروګرام ویلي د اټکل له مخې، د زلزلو په سیمو کې ۲۵ زره ودانۍ ویجاړې شوې دي.
دې پروګرام د مړه شویو کسانو شمېر۱۴۰۰ او د ټپیانو ۱۸۰۰ تنه ښودلی دی.