د طالبانو حکومت وايي، په هرات کې د پرونۍ زلزلې له امله تر اوسه په ۱۳ کلیو کې تر ۲۰۰۰ زیات کسان مړه شوي او په زرګونو، نور ټپيان دي.
د طبیعي پېښو په وړاندې د مبارزې لپاره د دولت د وزارت ویاند، ملا جانان سایق نن په کابل کې په دې باب یوه کنفرانس ته وویل:
د دې پېښې له کبله تر اوسه د لومړنیو شمېرې له مخې له بده مرغه ۲۰۵۳ کسان شهیدان او ۹۲۴۰ کسان ټپیان شوي دي."
هغه زیاته کړې چې په دې زلزله کې۱۳۲۰ کورونه هم نړیدلي دي.
د طالبانو د اطلاعاتو او کلتور وزارت یوه چارواکي عبدالواحد ریان د جرمني خبري اژانس ته ویلي، د ټپیانو شمېر خورا زیات دی.
د طالبانو د حکومت ویاند ذبیح اله مجاهد سیمې ته د ژغورنې د ۱۰ ټیمونو د لېږلو ادعا کړې او زیاتوي، د څښاک اوبه، خوراک، درمل او د کالیو په ګډون نور اړین توکي هلته استول شوي دي.
دا هم د هرات یوه زلزله ځپلې سیمه
د هرات لپاره د طالبانو والي مولوي مولوي نور احمد اسلام جار په یوه ویډیویي پیغام کې، چې د طالبانو د حکومت ویاند ذبیح الله مجاهد خپور کړی، له زلزله ځپلو سره د خپلو سیمه ییزو ادارو او د طالبانو د دفاع وزارت د هوایي ځواک د پر وخت مرستې خبر ورکړی.
هغه په عین حال کې ویلي:
راپورونه وايي چې د زلزلې مرکز د هرات په شمال لوېدیځ کې و.