د خوړو نړیوال پروګرام ډبلیو.ایف.پي وایي، د بودیجې د شدید کموالي له کبله اوسمهال یوازې درې میلیونه اړمن افغانان د دوی مرستې ترلاسه کوي.
دغې ادارې د پنجشنبې په ورځ پر خپلې ایکس پاڼه لیکلي، چې په اګست میاشته کې دوی شپږ میلیونه بې وزله افغانانو ته د خوراکي موادو او نقدو پیسو مرسته وېشلې وه.
د خوړو نړیوال پروګرام یا ډبلیو.ایف.پي په دې وروستیو کې په ځلونو ځلونو د بودیجې د کموالي او د ناوړه عواقبو په اړه یې خبرداری ورکړی دی.
دغه سازمان ویلي، راتلونکي ژمي کې د پنځلس میلیونه بې وزله افغانانو د لاسنیوي لپاره یو میلیارد ډالره مرستو ته اړتیا لري.
د ملګرو ملتونو شمېرې ښيي چې افغانستان کې بشري مرستو ته د اړو کسانو شمېر له ۲۹ میلیونو پورته دی.