د پاکستان امنیتي ځواکونه وايي چې د بلوچستان ایالت په مستونګ سیمه کې یې د داعش یو مهم قوماندان وژلی دی.
د پاکستان د ترهګرۍ ضد ځواک ویندوی پرون په یوه بیان کې وویل چې د غلام الدین شاهواني په نوم د داعش قوماندان، چې په الیاس شعیب مشهور و، پر امنیتي ځواکونو د داعش د ځوابي برید په ترڅ کې وژل شوی دی.
پر نوموړي تور و چې د ۲۰۱۶ د اګست په اتمه یې په کوټه کې د مدافع وکیلانو په خونړي برید کې لاس درلود.
په دې انتحاري برید کې ۲۶ تنه ووژل شول او ۳۰ نور ژوبل شول.