ملګري ملتونه او ایران وايي چې د منځني ختیځ، افریقا او آسیا هېوادونه، باید د دوړو او د شګو د هغو توپانو د مخنیوي لپاره په خپلو همکاري سره وکړي چې د اقلیمي بدلونونو له کبله زیاتوالی په کې راغلی.
د ملګرو ملتونو سرمنشي انټونیو ګوټېرېش په یوه ویډیويي پیغام کې چې پرون د سپټمبر په ۹مه په تهران کې د شاوخوا پنځوسو دولتونو او پنځلسو نړیوالو بنسټونو استازو ته واورول شو، ویلي دي چې په دې برخه کې د مشارکت رامنځته کول خورا مهم دي.
ګوټېرېش د غونډې ګډونوال په خپلو کې د همکارۍ پراخولو او د عملي اقداماتو په برخه کې ژمنتیا ته وهڅول.
د فرانس پرېس خبري آژانس د راپور له مخې د ایران ولسمشر ابراهیم رییسي هم د دوړو او شګو د توپانونو د مخنیوي د نړیوال کنفرانس د پرانیستو مراسمو ته د وینا پر مهال د سیمې له هېوادونو وغوښتل چې د دې ستونزې د حللارو د موندلو لپاره د هڅو په مقصد د مرستو یو صندوق جوړ کړي.