د ایران په شمال کې د ډبرو سکرو په یوه کان کې چاودنې د کان شپږ کارکوونکي وژلي دي.
د ایران دولتي اژانس ایرنا نن راپور ورکړی چې چاودنه پرون یکشنبه په دمغان ولایت کې د کان په هغې سمڅه کې شوې چې څلورسوه متره ژوروالی یې درلود.
تراوسه د چاودنې لامل روښانه نه دی.
پرون له چاودنې سره سم دغه شپږ کارکوونکي په سمڅه کې دننه بند پاته شول چې د ژغورونکو له هڅو وروسته نن سهار د هغوی جسدونه وموندل شول.