په ایران کې د افغانستان سفارت، چې د طالبانو په کنټرول کې دی وايي، نن چهارشنبه او سبا به دغه سفارت هم د ایران د دولتي ادارو په څېر رخصت وي.
دغه سفارت په یوه اطلاعیه کې ویلي، دا پرېکړه په ایران کې د راروانو ورځو پر مهال د هوا د بېسارې تودېدو له کبله شوې ده.
د ایران حکومت هم اعلان کړی چې د خلکو د خوندیتوب لپاره د هوا د بېسارې تودېدو له کبله دولتي ادارې نن چهارشنبه او سبا پنجشنبه رخصت دي.
اټکل شوی چې د ایران د پلازمېنې تهران په ګډون په ځینو برخو کې به په راروانو ورځو کې د هوا تودوخه تر ۴۰ سانټي ګرادو واوړي، چې دا بېسارې تودوخه ګڼل شوې ده.