د ماشومانو لپاره د ملګروملتونو د مرستې صندوق یونیسیف وايي، په سوډان کې د درې میاشتنې کړکېچ له پیله تراوسه لږترلږه ۴۳۵ ماشومان وژل شوي او له ۲ زرو زیات نور ټپیان دي.
د یونیسیف د اجراییه رییس مرستیال تید چایبان Ted Chaibanنن (د جولای ۲۴مه) وویل، په تېرو سلو ورځو کې پر ماشومانو د سوډان د کړکېچ اغېز د هېرېدو نه دی.
یوینسیف په یوه بیان کې ویلي دي چې تراوسه یې د دوه نیم زره ماشومانو د بشري حقونو د سرغړونو راپورونه ترلاسه کړي دي، خو د بیان له مخې اصلي شمېرې ښايي تردې ډېرې زیاتې وي.
د کډوالو لپاره د ملګروملتونو د لویې کمېشنرۍ د راپور له مخې، د سوډان د جګړې په پایله کې له ۳۳ لکو ډېر خلک له خپلو مېنو بېځایه شوي دي.