د راپورونو له مخې، هرات د ایران او افغانستان د محصولاتو د څلور ورځني نندارتون کوربه دی.
د ایران فارس خبري اژانس پرون (د چنګاښ ۳۱ مه) راپور ورکړ، چې د دې نندارتون د پرانېستو په مراسمو کې په هرات کې د ایران سرقونسل او د هرات د سوداګرۍ او صنایعو د خونو مرستیال ګډون وکړ.
د دې نندارتون تنظیموونکي علي خاکسار تسنیم خبري اژانس ته ویلي، چې په دې ۴ ورځو کې به له شلو زیات افغان او ایراني لوی تولیدوونکي خپل محصولات په ۲۲ غرفو کې نندارې ته وړاندې کړي.
تېره اونۍ پلازمېنه کابل هم د سیمې د یو شمېر هېوادونو د شرکتونو په ګډون د کرنیز او صنعتي نندارتون کوربه و.