د خوړو د نړیوال پروګرام دفتر وايي، د جنوبي کوریا د حکومت له خوا مرسته شوې څه باندې ۲۵۰۰ مټریک ټنه وریجې د دوی ګودامونو ته تسلیم کړای شوې.
د خوړو نړیوال پروګرام د افغانستان څانګې پرون په خپل ټویټر کې خبر ورکړی، چې دغه وریجې به د افغانستان په ختیځ کې پر زیانګالو کورنیو ووېشل شي.
په افغانستان کې د خوړو نړیوال پروګرام یا 'ډبیلو ایف پي' خبرداری ورکړی، چې د روان کال د اکټوبر تر پایه به د دوی د خوراکي توکو د وېش زېرمې ختمې شي.
ډبلیو ایف پي وايي، د روان کال تر اکټوبر میاشتې پورې پنځه میلیونه اړو افغانانو سره د خوراکي موادو مرسته کولای شي.