په پولنډ کې د متحدوایالتونو سفیر پرون د غرور په نوم په هغه لاریون کې ګډون وکړ چې هر کال د پولنډ په پلازمېنه وارسا کې جوړېږي.
مارک بریژینسکي په داسې حال کې چې د امریکا بیرغ ورسره و، د امریکا د سفارت له څه باندې دېرشو نورو کارکوونکو او د کاناډا، اتریش او نورو لوېدیځو هېوادونو له استازو سره یوځای په دې پرېډ کې برخه واخیسته.
بریژینسکي وویل چې متحدهایالات د وګړو ترمنځ مساوات مني او زیاته یې کړه چې له جنسیتي پلوه متفاوت خلک له سختې مبارزې سره مخامخ دي.
د امریکا سفیر همدا راز وویل، په وروستیو کلونو کې متحدهایالات او لوېدیځ هېوادونه د پولنډ د حکومت د محافظه کارو پالیسیو په اړه چې ولس او ماشومانو ته همجنسباز ښځې او نارینه، دوه جنسه او ترانس جندر وګړي د ګواښ په توګه معرفي کوي، اندېښمن دي.