د ناټو د غړو هېوادونو د بهرنیو چارو وزیرانو د پنجشنبې په ورځ د جون لومړۍ د ناروې په پلازمېنه اوسلو کې د غونډې د دویمې ورځې لپاره د نویو دفاعي لګښتونو او له اوکراین سره د دې اتحاد د اړیکو د راتلونکي په اړه خبرې وکړې.
د جرمني د بهرنیو چارو وزیرې انالینا بیرباک پرون له دغو خبرو اترو مخکې وویل چې د روسیې هر نوی توغندی او د بې پیلوټه الوتکو برید به دغه اتحاد له ځانه د دفاع په برخه کې د اوکراین د خلکو ملاتړ لا زیات کړي.
تمه ده راتلونکې جولای میاشت په یوولسمه او دولسمه نېټه د ناټو غړو هېوادونو یوه سرمشریزه د لېتوانیا په پلازمېنه ویلنیوس وشي.
د هغې غونډې هدف له اوکراین سره چې د ناټو د غړیتوب لېواله دی د اړیکو د څرنګوالي په اړه د موافقې پیاوړي کول دي.