اوکرایني چارواکي وايي، روسيې تېره شپه د اوکراین پر پلازمېنه کیيف او نورو سیمو د راکټي او بېپیلوټه الوتکو بریدونه کړي چې ټول يې د هوايي دفاعي ځواکونو لهخوا شنډ شوي دي.
دا د روانې میاشتې له پیل راهیسې پر کیيف د روسیې نهم هوايي برید و.
د اوکراین په جنوب کې د مطبوعاتو د همغږۍ د مرکز مشرې ناتالیا هومنیوک نن د مې په ۱۸ مه وویل، پرون ماښام د اودیسه پر ښار یو زورور راکټي برید وشو.
د راپور له مخې سره له دې چې ډېری راکټونه شنډ شوي، خو بیا یې هم مرګژوبله اړولې
د اوکراین د وسلهوالو ځواکونو لوی درستیز ویلي چې د دغه هېواد په ختیځ کې د باخموت ښار د کنټرول لپاره جګړه لا هم روانه ده.
د اوکراین د کریمیا سیمه چې په ۲۰۱۴ کال کې روسیې په غیرقانوني توګه له خپلې خاورې سره ونښلوله، د مسکو لهخوا پهکې ټاکل شويو چارواکو نن وویل، د سیمفروپول او سواستوپول ښارونو ترمنځ د اورګاډي تګ راتګ ځنډول شوی دی.
له دې وړاندې د بزه Baza په نوم یوې ټلېګرام چینل د اروګاډي په دې سیمه کې د چادونې خبر ورکړی و.