د پاکستان سترې محکمې د مخکیني صدر اعظم عمران خان د خوشې کېدو امر کړی دی.
رویټرز خبري اژانس د پاکستان د جیو تلوېزیون په حواله دغه خبر خپور کړی دی.
دا په داسې حال کې ده چې نن په درېیمه پرلهپسې ورځ هم پاکستان کې د عمران خان تر نیولو وروسته تاوتریخجنې مظاهرې روانې دي.
د پوليسو او تحريک انصاف پلويانو ترمنځ په نښتو کې اووه کسان مړه شوي او لسګونه ژوبل دي.
بلخوا پوليسو د پاکستان تحريک انصاف لسګونه مشران او سلګونه پلويان نيولي دي.
د پېښور لېډي ريډنګ روغتون وياند محمد عاصم نن د ازادي راډیو مشال څانګې ته ویلي چې په تېرو دوو ورځو کې د پاکستان تحريک انصاف د پلويانو او پوليسو ترمنځ په نښتو کې ژوبل شوي څه باندې ۱۴۰ کسان وروړل شوي.