د امریکا د ملي امنیت پخواني مشر ویلیم بورنز د ۲۰۲۱ کال په اګست میاشت کې په پټه په کابل کې د طالبانو له مشرانو سره کتلي دي.
دا هغه وخت و چې طالبان نوي بیا پر کابل واکمن شوي وو او له افغانستانه د ټولو امریکایي ځواکونو د وتلو بهیر روان و.
دغه خبره د نیویارک ټایمز ورځپاڼې په هغې مقاله کې شوې چې د جوبایډن په اداره کې یې د ښاغلي بورنز د بې ساري واک په اړه لیکلې ده.
په دې خبر کې د ویلیم بورنز او د طالبانو د لیدو کتو نور جزییات نهدي ورکړل شوي، خو نیویارک ټایمز لیکلي چې بورنز د طالبانو رژیم ته مشروعیت ورکاوه، ځکه هغه مهال یې ځواکونه له افغانستانه وتل.
د امریکا او طالبانو حکومتي سرچینو تر اوسه په دې اړه څه نهدي ویلي.