د اوکراین د ختیځې دونېڅک سیمې په بخموت ښار کې یوځل بیا د اوکرایني او روسي ځواکونو ترمنځ درنې جګړې وشوې.
اوکرایني سرتېرو پرون د دونېڅک په لویدیځ اړخ کې د واګنر په نوم د روسيې د اجیرو ملېشو پر وړاندې مقابله کوله.
د اوکراین د پلیو ځواکونو قوماندان جنرال اولیکساندر سیرسکي پرون د مارچ ۱۳مه وویل چې د واګنر ملېشو له څو استقامتونو څخه پر دوی بریدونه کوي څو د دوی دفاعي لیکې ماتې کړي.
خو جنرال سیرسکي زیاته کړه چې د دوی ځواکونو د روسیې اجیرو سرتېرو ته درنه مرګژوبله اړولې ده.
څارونکي اټکل کوي چې اوکرایني ځواکونه به په بخموت کې په راروانو اونیو کې د روسي ځواکونو پر ضد په متقابلو حملو لاس پورې کړي.