د جرمني پولیسو نن ویلي، تېره شپه د شمالي ښار هامبورګ په یوه کلیسا کې د ډزو له کبله د حمله کوونکي په ګډون ۸ تنه وژل شوي دي.
د جرمني پولیسو په خپل ویبسایټ کې لیکلي چې په دې پېښه کې بې شمېره نور کسان ټپیان شوي دي.
تر اوسه د برید احتمالي انګېزه نه ده معلومه او پولیس د برید د څرنګوالي په پلټنه بوخت دي.
د جرمني صدراعظم اولاف شولڅ چې د هامبورګ د ښاروال په توګه یې هم دنده ترسره کړې د ډزو دغه پېښه د تاوتریخوالي وحشیانه عمل بللی دی.