یوه زلزله چې شدت یې د ریښتر په حساب ۴ اعشاریه ۷ درجې و، نن سهار وختي د افغانستان په بدخشان ولایت کې احساس شوه.
د هند د زلزله پېژندنې ملي اداره وايي چې د دې زلزلې مرکز د فیض اباد ښار د شمال ختیځ په ۲۸۵ کیلومترۍ کې تر مځکې ۱۰۷ کیلومتره لاندې و.
د دې ادارې پر اساس، دا په تېرو ۸ ورځو کې په دې سیمه کې درېیمه زلزله ده.
پرون هم په بدخشان ولایت کې د ریښتر په کچه ۴ اعشاریه ۲ درجې زلزله ثبت شوه.
د روان مارچ په دوهمه نېټه د افغانستان او تاجکستان په بدخشانونو کې د زلزلې ټکانونه احساس شوې وو.
تراوسه پورې د درې واړو زلزلو له کبله د سر و مال د تاوانونو په اړه راپور نه دی ورکړای شوی.