د ايټاليا صدراعظمې جورجيا ميلوني، د دغه هېواد په جنوبي سواحلو کي د يوې کښتۍ د ډوبېدو په پېښه کې د ایټالیا د ساحلي ګارډ او پولیسو له اقداماتو دفاع کړې ده.
د کښتۍ د ډوبېدو په پېښه کې لسګونه کسان مړه شوي چې اکثر یې افغانان دي.
په ایټالیايي چارواکو نیوکې شوي چې د کښتۍ د ډوبېدو د مخنیوي یا د ژغورنې په برخه کې یې چټک عمل نهدی کړی.
خو د ایټالیا صدراعظمې اغلې میلوني پرون وویل، د اروپا د سرحداتو ادارې یا فرونټیکس د بېړني حالت له امله ایټالیايي چارواکو سره اړیکه نه وه نیولې.
د DPA خبري اژانس د راپور لهمخې، فرونټکس د فبرورۍ د ٢٥مې په ماښام له يوې الوتکې څخه د لرګيو يوه کښتۍ په نښه کړه او روم ته يې د هغې د موقعيت په اړه خبر ورکړ.
خو مېرمن میلوني ویلي چې، دوی ته د بېړۍ د ډوبېدو له خطره خبر نه و رسېدلی.
په ايټاليا کې د افغانستان سفارت ويلي، د ايټاليا په سواحلو کې د بېړۍ له ډوبېدو وروسته تر اوسه د ٣٢ افغانانو مړي موندل شوي دي.
ګڼ افغانان ټپيان هم دي چې اوس تر درملنې لاندې دي.