ټاکل شوې چې د امریکا د بهرنیو چارو وزیر انتوني بلېنکن به د جيشل د ډلې په غونډه کې د ګډون لپاره نن د هند په پلازمېنه، نوي ډیلي کې وي، چېرته چې ټاکل شوې د هغه روسي سیال سرګې لاوروف به هم هلته وي.
د هند په کوربهتوب دغه غونډه به چې هدف یې د نړۍ د سترو اقتصاد لرونکو ترمنځ د یووالي رامنځته کول دي، تر ډېره د اوکراین او له چین سره د کړکېچونو تر سیوري لاندې وي.
داسې نه ښکاري چې بلېنکن او لاوروف به جلا سره وګوري.
د لوېدیځ چارواکو له قوله دواړه مشران په بالي کې د جون د میاشتې د جيشل له غونډې وروسته په یوه خونه کې نهدي لیدل شوي.
هغه مهال هم د روسیې د بهرنیو چارو وزیر له غونډې وتلی و.
د امریکا او روسیې د بهرنیو چارو وزیرانو وروستی ځل د ۲۰۲۲ کال په جنوري کې څو اوونۍ مخکې له دې چې روسیه پر اوکراین یرغل وکړي، مخامخ کتنه ترسره کړې وه.