سعودي رسنۍ وايي، د دغه هېواد د پاچا سلمان د بشري مرستو مرکز په افغانستان کې د خوراکي موادو ۵۰۰ بستې ویشلي دي.
د سعودي ریاض ورځپاڼې پرون (یکشنبه) په دې اړه په راپور کې ویلي چې، دا مرستې ۳ زره سېل ځپلیو ته ورکړل شوي دي.
په راپور کې د مرستو د وېش د نېټې او ځای یادونه نهده شوې.
د دې مرستو د وېش خبر داسې مهال ورکول کېږي چې، افغانستان کې مليونونه وګړي له قحطۍ سره مخ دي او د نړيوالو سازمانونو په وينا دا بحران ورځ تر بلې د پراخېدو په حال کې دی.