د پاکستان په بلوچستان کې یوې چاودنی لږ تر لږه څلور کسان وژلي او ۱۴ نور یې ژوبل کړي دي.
چاودنه نن سهار د بلوچستان د بارکهان سیمې په یوه مارکېټ کې رامنځته شوې ده.
چاودېدونکي مواد په یوه موټر سایکل کې ځای په ځای شوي وو.
د دې سیمې د روغتیايي چارو مسوول ډاکتر عبدالحکیم له پاکستاني رسنیو سره په خبرو کې خلکو ته د اوښتې مرګژوبلې تایید کړی.
د پولیسو مشر عبدالله خوسو ویلي، د پېښې په اړه پلټنې پیل شوي.
د برید مسوولیت چا په غاړه نه دی اخیستی.
د پاکستان صدراعظم شهباز شریف پېښه غندلې او د سمدستي پلټنو امر یې کړی دی.
بلوچستان کې شنبه هم د خضدار په سیمه کې چاودنې دوه پولیس وژلي وو.