په سویس کې د افغانستان د امانت صندوق یو غړی وایي، د افغانستان د کنګل شویو شتمنیو په اړه د یوې محکمې تر پرېکړې وروسته د سپتمبر د یولسمې پېښې د قربانیانو کورنیو د استیناف غوښتنه کړې.
کله چې د امریکا ولسمشر جوبایډن پرېکړه وکړه چې د افغانستان د کنګل شویو شتمنیو درې نیم ملیارده ډالره دې د سپتمبر د یولسمې پېښې د قربانیانو کورنیو ته ورکړل شي، یوې محکمې په دې اړه څېړنه پيل کړه.
دغې محکمې د سهشنبې په ورځ خپله پرېکړه اعلان کړه او د سپتمبر د ۱۱مې پېښې د قربانیانو کورنیو ته یې د پيسو ورکړه رد کړه.
په سویس کې د افغانستان د امانت صندوق یوه غړي انوارالحق احدي تېر ماښام ازادي راډیو ته وویل، که څه هم د قربانیانو کورنیو د استیناف غوښتنه کړې، خو دوی تمه لري چې دغه شتمني به د امانت صندوق ته ولېږدول شي.
اسدالله لودین له ښاغلي احدي سره مرکه کړې او په پيل کې یې پوښتلی چې، د کنګل شویو درې نیم ملیارده ډالرو په اړه د محکمې حکم څومره مهم دی؟
دا مرکه د لاندې غږيز فايل په کېکاږلو اورېدلی شئ:
Your browser doesn’t support HTML5
د انوارالحق احدي مرکه