د پاکستان په کراچۍ ښار کې د پولیسو په یوه دفتر وسلهوال برید شوی دی.
د ازادې اروپا/ د ازادي راډیو د مشال څانګې د راپور پر بنسټ، له اتو زیاتو وسلهوالو کسانو د کراچۍ د پولیسو د عمومي مشر پر دفتر برید کړی او وروسته د پولیسو او وسلهوالو ترمنځ ډزې هم تبادله شوي دي.
د کراچۍ د پولیسو عمومي مشر جاوید عالم د پاکستان جیو ټلوېزیون سره په خبرو کې منلی ده چې پر دفتر يې برید شوی دی.
په کراچې کې د مشال راډیو خبریال وايي، په سیمه کې د ډزو او چاودونو غږونه اورېدل کېږي او امبولانسونه هم سیمې ته رسېدلي دي.
د معلوماتو پر بنسټ تر اوسه دوه پولیس سرتېري ټپیان شوي دي.
د سند صوبې د اطلاعاتو وزیر شرجيل انعام ميمن د پا کستان جيو ټلوېزون سره په خبرو کې ويلي، تر دې مهاله د برید ګرو د شمېر او هویت په اړه مالومات نهشته.
د برید مسولیت کومې ډلې یا چا په غاړه نهدی اخیستی.