په پام کې ده چې د افغانستان او متحده عربي اماراتو لوبډلې سبا په خپلو کې د دریو شل اوریزو لوبو لړۍ پیل کړي.
د دې لړۍ لومړۍ لوبه به سبا پنجشنبې د ماښام په شپږنیمو بجو د ابوظبي په مرکزي لوبغالي کې ترسره شي.
د افغانستان او متحده عربي اماراتو ترمنځ دوهمه لوبه به د فبروري په ۱۸مه او دریمه او وروستۍ به یې د فبروري په ۱۹ مه نېټه ترسره شي.
د څارونکو په باور په دې لوبلړۍ کې د سیالې لوبډلې پر وړاندې د افغانستان د ملي لوبډلې د بریا چانس ډېر دی.